sábado, 24 de diciembre de 2011

Mensaje de Navidad de S.M. el Rey Aurelius

Queríos conciudadanos y conciudadanes, hermanos y hermanes astures, cómo tolos años dirixome a vós pa deseyavos nel mio nome y nel de la mia familia, una feliz Navidá y un prósperu añu 2012.

Soi consciente de les dificultaes que corada pensar nun añu próximu prósperu y prometedor.

L'actual situación social nun afala a ello. L'aumentu del desempléu, la crisis de la vivienda, reaxustes económicos, esixíos dende los mercaos europeos, provocaron tal caida nel poder adquisitivo que nada fai pensar nun añu 2012 con ilusión.

Pero llueñe de ser derrotista, convídovos a que nun dexéis vencer pol afandu. Porque ente toos podemos, a comuña, caminar con valentía y tesón, faía la salida d'esta crisis, que toi seguro cada vez ta más cerca.

Los asturianos tenemos fama de ser obstinados y esa fama nun ye inmerecida. Tenemos una llarga trayectoria de llucha y combate contra les adversidaes, y sé qu'esa determinación danos la fuerza pa superar cualquier contratiempu.

Dende'l campu, la ciudá, los nuesos montes y rios, les nueses mariñes, les nueses mines y les nueses empreses. Dende l'últimu rincón d'Asturies, debemos de llevantar bien alto la frente y sacar el nuesu arguyu cómo pueblu pa ser exemplu ante'l mundu de constancia y esfuerzu.

Un esfuerzu qu'hai de ser compartíu, porque nun ye xusto que los que menos tienen, sían los que más tengan d'apurrir pa superar la crisis.

Cada unu tien que contribuyir na midida de les sos posibilidaes y responsabilidá, y aquellos que favorecieron esta situación son de xuru los que más tendríen de participar nello.

La nuesa nación, va empezar un nuevu añu, coles ganes y el compromisu anováu a la d'espublizar esti proyectu, qu'anguaño llegó yá a casi tolos rincones del mundu. Casi 800 amigos en Facebook, respuenden por esti trabayu.

Nuevos proyectos, ampliación de la nuesa rede de blogues, y nos organismos intermicronacionales, y sobremanera, una mayor participación ya implicación macronacional naquellos ámbitos dende los que se trata de contribuyir a la superación de l'actual crisis económica y una verdadera remodelación del sistema económicu y políticu, son los oxetivos qu'el nuesu gran equipu de trabayu, hai de marcase.

N'anguaño que va entrar, vamos que tener que doblar los nuesos esfuerzos, pero toi seguro de qu'esta nave qu'empezó la so andadura allá pel mes d'ochobre de 2009, ta preparada pa faer frente con ésitu cualquier torbonada.

Con éses deseyar a toos unes felices navidaes y un prósperu, xustu y solidariu añu 2012.

¡Puxa Asturies!

No hay comentarios:

Publicar un comentario